今日本嚟約左人去玩, 一大早10點都未到, 一個電話嘈醒, 原本節目…取消

無癮之餘, 都感覺無耐, 無辦法, 呢件事我唔做, 無人做到…

 

都係咁, 約人都係有早無遲(盡量啦, 路面情況我控制唔到)

做完要做嘅野後, 睇睇錶, 時間尚早, 30分鐘唔使就搞掂…咁就無咗原本節目嘥我精神

然後由荃灣愉景新城行去西鐵站, 夏天都未完全到, 已經咁鬼熱, 出曬汗…

入站等車出發---元朗

等車時發生小插曲

攞出psp 玩mhp2g, 突然有一個年紀同我差唔多嘅人行埋黎講: 不如組隊入去打返場

見時間多的是, 無問題, 入去玩左30分鐘, 好正, 玩得好開心

呢隻game真係爽, 真係有psp 嘅人, 十個有七個人都玩緊

入到元朗試左琴後, 呢個老板…平時係咪無人同佢傾偈=.= 講唔停, 有佢講無我講

“我想問…” “你試下呢個, 音質同乜乜乜” “係喔, 但係我想問…” “你再試下呢個, 又可以駁電腦喔, 來!!! 試下” “駁電腦…??”

總括來講, 呢個老板又幾好, 最後入手貨比原先平左

搞掂呢樣野後, 見肚餓, 行入個人認為嘅市區睇下有咩食

竟然發現搬左個間 田中 , 即刻影返張相, 然後入去食返幾件

食完繼續行街, 行行下, 諗返幾個月前一d 事, 路行路諗…

 

今日去左旺角睇戲, 打打殺殺平時都幾鍾意睇, 但係…今次主角喺一個女的

我唔係性別性別歧視, 只不過感覺上唔太喜歡女性動手動腳

失去斯文中那點溫柔, 那種美, 有女人味至得人喜歡

“早到左成粒鐘, 去書局行轉, 仍然搵唔到嗰本書, 好想見到 (你)……”

-------------------------------------------------------------------------

 

散場後, 再趕下一個目的地, 近排呢把(火) 燒得好旺

研究過後, 值得考慮一下, 記得Mandy 講某些話, 一種習慣, 但我又須要 玩手指

手指太硬, 對住電腦鍵盤, 要幾快有幾快, 要幾大力有幾大力

但喺對住……唉!! (有心無力), 十隻手指震曬, 乜嘢力都無

回程轉車, 轉黎轉去, 頭都暈埋

一路搭車一路聽歌, 跟住 Miss Yip 教路, 學拍子

-------------------------------------------------------------------------

特別事

都唔知今晚好彩定唔好彩

鼻敏感發作, 乜嘢味都聞唔到, 幸好鼻水無流

有散光, 唔專心的話, 面對面相遇, 分分鐘都認唔出想識嘅人

在旺角睇完戲然去等車, 經過一個巴士站, 遠遠見到有幾個著反光衣嘅人企定定, 留心一睇

原來係路邊清潔嘅人(即係…有時喺街見到用高壓水槍洗地個啲)

一路行, 發覺旁邊啲人好怪, 周圍望, 加快腳步, 到底咩事??

原來……有人放「地雷」, 即喺……懶屎 !!!

時運高, 睇唔到 ,聞唔到!!! (望下腳板底先, 好彩無中招…睇黎真係要去驗一驗對眼)

公司的大生意……

一連兩日大搞作終於結束

同往常一樣, 完成本身工作就要幫手幫眼幫口幫腦去執手尾

“唔使急!!! 最緊要快”

又急又慢, 唉……午飯前已經笑飽, 拉麵加叉燒飯未食完已經飽(thanks Jin)

大製作好似一手一腳已經做左6x個

最近覺得完成後, 一次比一次攰, 一次比一次無感覺

連最初意見一大堆, 到現在別人想怎樣就怎樣

是否已經出現“滑牙”??

3個月…是否會改變一下

值得考慮

今日下午去左馬會會所, 中途發生一件令我全日都不安的事

一行出公司門口, 我一直諗緊某個問題, 基本上每次諗都會入神, 令我毫無頭緒的一個問題

當我喺紅綠燈準備上的士之際, 我頭向右邊, 當我由右往左轉身, 見到兩個女人…

其中一個女人把自己件衫拉低, 露出乳溝, 距離只有20cm 左右, 極之近…

第一時間即時彈後……都唔知比咩反應好, 只感覺到好無奈……

上車前聽到佢地對話『 嚇到人啦』

唉…… 嚇就嚇我唔到, 咁大個人有咩未見過

只係覺得大街大巷遇到呢種事, 我好樣衰……

呢幾日發生的事真多, 幾乎每天一覺睡醒都有戲劇性變化

天有不測之風雲, 昨天仍然橫風橫雨,今日就比蟬鳴叫醒,天氣變化真大

近日網絡世界上又發生大對戰,任何討論區的鬼故版都有不同意見發表, Internet 為本世紀十大發明之一, 當之無愧

昨日跟阿po 閒談後, 決定去學想學的玩意,已經想去學好久, 以前兩個人世界總覺得時間太少,

每日返工放工傾偈講笑,安排去邊到玩去邊到睇, 好像放假等於另一份工夠鐘返工

一直都無靜靜地休息, 身體一日比一日差,一病就病左幾個月, 一直未見好轉, 最近捉左阿fi 陪我去睇中醫, 比醫師執左幾劑---中藥, 飲完舒服曬, 再次知道什麼叫做 臭, 什麼叫做美味

 

以前過年過節, 好少會去睇煙花, 覺得人又多, 又迫, 又辛苦

早成粒鐘出去搵位睇煙, 排排企企, 抬起頭一齊『嘩~~嘩~~好靚呀』

大約嘩廿零分鐘, 掉轉頭走人, 感覺好無聊, 一來一回又辛苦

呢幾日, 呢種觀念改變左

花火的美, 在於它能適時展露出最美一刻

一刻美麗, 一刻熄滅

最美麗的一刻……

 

03-04-2008 提早生日會完滿結束!!! 多謝各位

當晚玩得好開心...好高興

多謝各位 出席...thx

 

要多謝阿fi 整左個好好味嘅蛋糕!!!超正!!!

 

願望: 希望下年出席人員會更多...解開大家心鎖!!

今日喺公司, 阿fi 請我食cake, 食完好想講一句粗口......

 

放工後一個人無無聊聊, 見天氣唔錯, 陰陰沉沉決定去一轉欣澳站影下相

去到周圍影左一陣, 天都黑齊, 無咩好影, 中途見到由迪乜鬼樂園啲遊客返黎, 一出車門即刻衝去對面上往香港方向列車

心諗, 前面有錢執咩, 使唔使個個都衝過去, 搭遲一班車真係會..慘過敗家??

假期第三日, 無意中比我發現原來 魔間傳奇 (I Am Legend) 有第二個結局, 當然二話不說由頭到尾再睇一次

 

 

 

今日返工睇頭條, 一直追開的專欄, 今日有一段笑話, 內容如下:

好玩

看台灣大選，不同的人可以發掘不同的樂趣。

有的人喜歡台灣人說不盡的文藝腔，有的人喜歡台南人打架的激烈，有的人喜歡人山人海『造勢』的熱鬧，有的人喜歡有馬英九那張小白臉，有的人喜歡台灣人為選舉發明的許多『童真』舉動----譬如大家把帽子掉轉來戴宣揚一種態度。

我在其中得到的樂趣，是語言上的。

今天想在台灣贏得民心，候選人要講閩南語，助選人當然要講閩南語。

以廣東的語言角廣去聽，閩南語音有些字是驚心動魄的。

譬如閩南話的『對』，發音近似廣州話的『丟』。

台灣人上台講話，自己講了一大堆，停下來之前，會問台下聽眾『對不對?』台下聽眾是台上這一位的擁躉，當然會排山倒水般『響亮回答』：『丟!』

還有，閩南話一個『選』字，跟廣州話的『衰』字音似。所以我們整天在台灣的選試大會上，聽到人領著大叫『馬英九‧‧‧』，然後其他人萬眾一心跟著大叫：『當衰!』

如果一個廣東人跟一個福建人結婚，如果福利人是個做老師的，開口總是習慣問『對不對？』，那麼另一半，也就是那個廣東人，可能會累死。

 

今日係地鐵, 睇左一半已經忍唔住笑左出黎

睇到埋尾....

最近的工作不算得忙碌, 每天都做著同一樣工作, 好像機械人生活那般模樣.

 

放工後, 我的休息總是離不開沉悶的活動, 獨守家中.......

我想像從前那一樣, 放工後與同事朋友一起尋求短暫的happy hour, 將一天裡內的不快事, 在此情此刻訴說心中苦, 我也想遇到心中不快事, 可以找到一位好友聽我訴苦. 工作悶了, 在娛樂上找尋一刻快樂, 這....也許是我仍然安守在這公司的唯一原因, 與同事間的感情, 比我想像中的還要好.

人呆得久了, 對身邊許多事情都提不起興趣, 與身邊的朋友聯絡少了, 感覺就好像沒有多少話題可以一起談論. 說說笑笑的一晚, 舉起手中的啤酒, 談笑風生. 這些情景, 我真的買少見少, 或許我明白現在的我最想得到的是什麼, 我希望能有回自己的空間,  有機會讓我可以做一些我想做的事, 人在社會, 『時間』我可以控制到嗎? 每次聽見朋友跟我說那天我去了什麼什麼地方玩, 還玩得很開心高興樂而忘返. 坦白一句, 我的的確確想放假去玩......

 

工作已經有一年多, 與我初初工作時訂下的目標, 現況的我不敢再回顧, 對自己當初抱的希望, 如今真的成泡影. 或者, 別人會覺得我對自己太自負, 許多事的確可以做得更好, 或者當有意外時可以作出另一選擇道路, 可惜.....

感覺就好似, 這一年來, 就像白白的渡過, 沒有享受, 沒有成果, 沒有快樂........

唉...古人的名言真的源遠流長, 古時所講的話流傳到當今社仍然比人使用, 真的有其實用價值, 病向淺中醫

 

曾經,有人說過我是一個成熟的人,年紀輕輕就這樣給說成熟,對於我來說絕對是一件不好的事,但...我真的給人一種成熟的感覺嗎? 這或許我少說話多做事的緣故.

許多事未曾經歷過也不可能一口咬定能達到心中所想的結果.

以前我可以為一個人痛苦的渡過3年,長不長短不短,許多人十多年的感情一剎那間化為灰燼,而我曾經一段失去的感情再次回到我手上,沒有人不會比以前更珍惜的.

20出頭的我不清楚什麼叫做包容,一個多星期,每日我都害怕到放工的時候,不是怕今天的工作完成,怕明天沒有工開,而是我害怕接到某人的電話,電話響起了,心裡面極不想說出一句:『嗯,你出去玩吧!』但,我可以有別的選擇嗎?

回到家,心中有一種不舒暢的感覺,但沒有什麼事情可以把這掩蓋.

夜了,我須要休息,明天還要繼續我的工作,眼看著秒針一秒一秒的跳動,分針慢慢地跳躍,精神及肉體都已十分疲勞,可惜...我睡不著,滿腦子都想著一些事.

忍著雙手的移動,不斷告訴自己:『當初是你叫多出外和朋友玩樂,現在,難道想反口?』

時間一秒一秒地消逝,雙眼緊緊地閉合著,收音的聲音充斥著房間的每一個角落,笑聲、哭聲、責罵聲、稱讚聲不斷響起.這幾天,我真的很想給人痛痛地教訓,毫不留情地駡我一次....

我....真的很累,身、心都已很累,我可以休息嗎?

我可以放下這個問題嗎?

我可以學習失憶嗎?

我可以學習一覺睡什麼都不記得嗎?

我可以學習更大的胸襟嗎?

我可以學習更好的理智嗎?

我可以學習更了解自己嗎?

我可以我可以我可以......

再留位.....心情灰復後再作打算

今日係2006年1月18日

一個好高興的聖誕節,原本我有好多野想打落去...但

今日,我已經再無心情打下這一篇遊記......

一生人之中到底會經歷多少個起跌?哪一個會是最刻骨銘心令自己永世難忘,或是從此被挫折打敗.

****************************

6年前,1999年當我還是個年少無知,終日無所事事,每天只懂埋頭苦幹讀書,放假亦不多出街遊玩,閒時都掛住睡覺,好像每天都睡不足,事實對我來說這是個事實,每天6點多就要起床準備返學,一個早上完成後就要要準備下午的作戰,休息過後,2點又要再一次上戰場,上課落課5點了,回家洗個好澡,急急忙忙地食過晚飯,連休息的時間都沒有就要再上學...夜校??!!

無無聊聊地就這樣過了一年,生活是多麼的充實,直頭是浪費我的青春.當一個人跌落谷底已有一段時間後,命運總不會簡單,好運亦會隨後趕到.

****************************

2000年第二季,機緣巧合下我認識到一位少女,每次都是輕輕接觸,即是眼神、對話、身體等等都沒有,只是呼吸著同一空間中的空氣.若然我沒記錯的話,和她見面只有3次,相處時間應該有20分鐘都沒有,其實,當時我完全沒有留意過她的存在,因為當時我的的確確沒有想過戀愛這東西(心想,好想一個人靜養一段時間).第四次見面,轉轉折折地一班朋友來到我當時所住的地方玩,其實是無野好玩,嚴格上講只是在那裡打發時間,就是這晚,在我毫無準備,毫無感覺下,我的愛情世界中多了另一個人.(主要內容好朋友的我已提及過,不用多講)

****************************

當時我接受她,一部份是被強迫所難,不忍心當時那環境下呆呆地等,另一方面是我當時思想嚴重地不成熟,不懂得如何拒絕一個人.....當時的我十分之失敗!!!

還記得第一次和她傾電話,已經把當時的對話都忘記得七七八八,但是,總會有一些還記在心中,我估當時我應該在和她說一些無聊到識飛的話題,這也不能怪我,因為我根本對她一點認識都沒有,連姓甚名 誰都不知道,我絕對地承認我是失敗的.

****************************

日子一日一日過著,和她都是沒有多大的發展,心想:一個15歲的小女孩,見了一個陌生人數次面,怎會真真正正喜歡上別人.都是和她保持情侶關係,但實際上是普通朋友吧,對一個完全沒有感覺的人,怎麼可以談起戀愛來!!!(可以肯定當時的我是一個極度地....正常,不是見一個鍾意一個的人,現在也是一樣...留意文章最後一句^_^)

****************************

若然我沒記錯的話,這次是我由陌生人感覺轉變成真感覺.曾經我對她提出一個問題,一個和自己住得不遠的人,科技發達,為什麼不打電話,要做到好像相隔幾千萬仗遠,返回舊社會...寄信=.=

就是這一個問題,數日後,當準備返學時,攞鎖匙出門時,突然見到一封信,收信人竟然是我!!滿懷好奇地一路行一路折開信封,意想不到竟然是她寫了封信給我,此刻我明白到為什麼會仍有人會用寫信這種溝通渠道,真的能把一些平不能說出口的話,在這一張張小紙中一一說出來

****************************

短短的半年時間,感情發展得很好(當然,是我個人的想法,置於另一方面我不作肯定)但我要離開,從此就要分隔兩地,相見時間一定不多,我也很擔心這段感情能否維持下去,最初一有假期就會回去與她見面,但是分開這麼久,見面時間總是這麼短,怎能滿足到.......我也十分難過

****************************

始終,這一段感情都維持不到,我們分開了,一段好好的感情失去,當然會感覺到是難受,起初那會有安靜的一日,那會有真真正正的睡過一晚覺,每天做什麼,見到什麼都令我回想起某人某物,真的很難受.時間可以減輕傷痛,但始終都會有某些日子令人難忘,而我只好.......

****************************

若干年過後,戀人數個,但有哪一位真的能令我放下這一個人呢?有人會問當你和某某在一起,心中想著的會是誰? 這個我可以答到,當時心中想著的當然是眼前的那一位,但....問心那一句,我放得下這一個感情嗎?答案只有一個,你想我放棄嗎?

2005年8月26日晚上,我收到有生之年最好、最令我感動的一份禮物,這不是我的生日禮物,也不是什麼節日的禮物,這是我最愛的人給我一份美好回憶.

 

這份禮物只是用類似FLASH 做出黎,利用相片加歌曲做出來,那些相片一張一張在我眼前走過,背景音樂是林嘉欣的--戀之風景. 開始時我並不感覺到有什麼特別,因為相片中的地方好像很熟,但已不記得是那裡,可是,但去到某一張相片時,原來一直都有文字在內講解,因為我雙眼有散光問題,開始並沒有留意.我發現到這問題,立刻重新再睇多一次,原來...那個傻妹早前用了幾天的時間,一個人走遍了我和她曾經遊歷過的每一處地方.不論早上也好,下午也好,晚上也好,我們到達的時間,她就在那一個時間去拍下那一個景.

 

細心觀看每一張照片,每一句說話,在webcam裡看見她那瘦削的身軀,不知還可以說甚麼,說一千句感謝說話也比不上她那份情,說盡我心中每一句心聲,也比不上她那份心意.我再壓制不住感覺,在wencam前我流下停不了的淚水,感動她過了這麼多年仍然把我留在她心中,感動她對我這份情.到今天前,我還以為只是我一個人默默地認為我和她之間的關係,分開後,不論我身邊出現多少女伴,也沒有一個能取締你的位置.

 

或許別人會說我傻,說我癲,但我可以肯定告訴他們,愛一個人,不論有困難、問題、障礙、事隔多年.心仍然會愛著她.

 

這一生,剩餘的時間不多,連最後一面也有機會見不到,但不緊要,我會緊守承諾